Brief History of District Hospital, Kolasib
Kolasib Damdawi In chanchin hi chhui thui a har hle mai a. Vanneihthlak takin Visitor Note Book pahnih - Bu khatna 1896 - 1940 leh Bu Hnihna 1940 - 2003 la awm atangte in tlem azawng hriat theih a ni. Visitor Note Book pakhatna zawk 1896 - 1940 phei hi chu thimin a ei hek nasat tawh avangin a chhung thu pawh a kim tawh lo hle. Tlawhtu hming chhiar theih hmasa ber chu Chandra Kumar Datta, Civil Surgeon a ni. Tlawh ni - 13.3.1916. Visitor Note - “21 Patients were treated this year of whom 13 were Lushai and 8 non-Lushai” tiin a ziak. Damlo an lo enkawlte dinhmun ti hian a tarlang tel bawk.
Malaria | Worms | Ulcer | |
1914 | 821 | 679 | 264 |
1915 | 654 | 1119 | 364 |
Tun hma atang tawh khan Malaria te, Pumpui lawngte hi a lo tam tawh hle tih ahriat theih a ni.Dr. HC Endow chu Doctor hming lang hmasa ber niin 23.12.1931 - 1936 chhung a thawk.Kolasib Dispensary (1896 - 1958) a nih laia tlawhtu langsar dang leh chu Col. ES Phipson CIE, DSO, MD, FRCP, VHS, IMS - Inspector General of Civil Hospital, Assam a ni. Tlawh ni - 18th February 1941.
A thuziak - “I visited the Kolasib Dispensary on Feb. 16, 1941. The last inspection was by an Inspector General of Civil Hospitals made on the 20th December 1906 by one of my predecessor - Colonel D. Wilkie, IMS” tiin.
Kolasib Damdawi In lo changtlun chhoh dan :-
1896 - 1958 - Dispensary
8th May 1958 - PHC ah hlan chhoh a ni. 1963-ah khum 10 awm a siam a ni. Kolasib Block hnuaiah treatment Centre pahnih - Bukpui leh Hortoki te Director of Health Services, Govt. of Assam chuan a dah belh bawk. Heng hun lai hian in entir hun hi zing dar 7:0 a.m. - 11:00 a.m. leh 3:00 p.m. - 5:00 p.m ah a ni a. Holiday leh Sunday pawhin zing lam 7:00 a.m - 11:00 a.m hi chu an hawng tho thin a ni. Rambuai lai pawh khan vanneihthlek takin buaina an tawk lem lova, nikhat pawh khar ngai lovin tluang takin an kal thei a ni. Amaherawhchu Civil Surgeon Office Aizawl chu a kan avangin hlawh la lovin hun engemaw chen an awm thung a ni.
Hetih laia thawktu awm te chu : -
Medical officer | 1 |
Nurse | 2 |
Compounder | 1 |
IV Grade | 3 |
20.10.75 - CHC ah hlan chhoh niin Rural Hospital khum 30 awm theihnain tihchangtlun a ni.
1978 - Tuna thlalak a kan hmuh ang hian khum 60 awm theihna a sak that a ni. Medical Officer awmte chu Dr. Saikhuma leh Dr. Saipari te an ni.
1979 - Sub-Divisional Medical & Health Officer dah a ni a. SDM & HO hmasa ber atan Dr. Vanlalsiama dah a ni.
2001 - Chief Medical Officer dah a ni a, a hmasa ber turin Dr. Ramfangzauva dah a ni.
1.10.2006 - District Medical Superintendent dah a ni Dr. R.L. Dangvela MD (Gynae) Senior Specialist chu District Medical Superintendent hmasa ber a ni a. Tuna DMS chu Dr. Robert Lalfakzuala, Specialist Grade-I a ni.